Hä säht – un sei säht!

Wie schön war doch die Jugendzeit, wie schön, wenn mir als Junge
des Morjens han der Dopp jeschmeck un Meddags Seil jesprunge.
Och weiß ich noch wie mir als Kind en Schladerbotz jedrage,
un wie die Pänz dann unger sich dät ein dem andere sage,
"Kannste dat och nä, kannste jo nit, komm sag mer dat ens noh:"

Hä säht un Sei säht, su säht Hä hät Sei jesaht,
sull dat sin dat Hä dat säht, dat Sie dat sull jesaht han.
Hä säht un Sei säht, su säht Hä hät Sei jesaht,
sull dat sin dat Hä dat säht, dat Sie dat sull jesaht han.

Wenn Frauen beieinander stehn, wat es dat of jett schönes,
eh dass sie auseinandergehn, kommt dieses dran und jenes.
Un je nachdem dat Thema es, se ihr Talent entfalde,
do weed dann stundelang de Schnüss, der Bäbbel nit jehalde.
Die weiß vun Der jett un Die jett vun Der, op eimoljeiht et loss:

Hä säht un Sei säht, su säht hä hät sei jesaht,...

Ne Richter säht am Amtsjericht, wie konnten Sie es wage,
wie konnten Sie für der Herr Schmitz blos Klüttenspetzbov sage.
Sie wissen, dass man das nicht darf, Sie haben fies jeloge,
d'r Schmitz hät sing Briketts vum Harf schon jahrelang bezoge.
"Leeven Här Richter," op Kölsch säht die Frau, "ihr wesst doch wie dat jeiht":

Hä säht un Sei säht, su säht hä hät sei jesaht,...

Im Reichstag und em Stadtrot han die Fraue längs Mandate.
Sie han jenau dat Rääch vum Mann, se dürfe mit berate.
Un seit die Frau dozwesche es un es met am berode,
su vill es nie en su'nem Huhs am Dag jesproche wode.
Manche Debatte die sin interessant, su einfach es dat nit:

Hä säht un Sei säht, su säht hä hät sei jesaht,....