Unse Vorstand

Das Lied vom »Vorstand« gehört zu den ältesten erhaltenen Texten Ostermanns. Er sang es für den Katholischen Jünglings-Verein Deutz, entdeckt wurde es in den Akten von Jean Kolter (Staffel, S. 43). Die verwendete Melodie ist das Trio zum Marsch »Der kreuzfidele Kupferschmied« von Carl Peter.

Zosamme sinn gekumme mer
Hück zo dem fruhe Feß.
Bei heitrem Senn un freschem Beer
Bezeuge mer et Beß,
Däm Prinzen Carneval zur Ihr
Sinn mir versammelt heut’
Un voll Humor un froher Lihr
Schlät uns et Häz vor Freud!

Dat Ruder föhrt dä Herr Präfekt
Als eschte em Verein
Vör dä, do hann se all Respekt
So soll un muß es sein.
Se schwärme vör dä Dickersbach
Dä sorg vör dä Verein,
Un kos’ et in och manche Nach
Et kann nit anders sein.

Dann kütt der eschte Assistent
E »Kelche, chick un fein«
Vör Ifer ziddert wie en Ent’
Hä off vör dä Verein.
Dä zweite, Schweißnaas wet genannt
Ein Junge schrecklich groß
Mem Goliath schink hä verwandt
Hä miß wohl sibbe Foß.

Dä Secretair, us der Löwegrub,
Dat eß sui ne kleine Bub,
sing Naaß es och ärg klein geblevve
Höht, wat mer däm noch gevve
Wenn hä nit fröher die Ladung schrief,
Dann haue mer in noch öm dä Lief.
Wenn die nit fröher beim Mitglied eß,
Dann kritt hä von uns Reß.

Dann kütt dä Fritz Satorius,
Dä hölt su manche Fuß
Et kütt im och ob zwei nit an
Dat es uns sehr fatal.
Hä deit dat Geld dann en ein Keß
Bes widder es ein Feß.
Doch dann heisch et herus geröck
Dann wet et al vergöck.

Dä Dornieden, Kuhl’s Hermännche,
Dä Kramer un Verfürth,
Die halde treu zu däm Verein
Un däm Präfectelein
Drom sinn die vier met eingereiht
Och, he en dä Vörstand
Domet sie dem zur Seite stonn
Weil sie sinn su charmant.