Sechs Paar Stivvele

Et hät zor Zick ne Jeck jejevve,
dä sich staats maht jähn em Levve.
"Sechs Paar Stiffele" hat der Mann
un en Botz met Franjele dran.
Met dä Schohn hä wähsele däht.
Doch en Botz, su wie mer säht,
wor e leider "ein" blos do.
Dröm die Lück im reefe noh:

||: Sechs Paar Stivvele, sechs Paar Stivvele,
sechs Paar Stivvele, un de Botz kapott! :||

Dähten och de Puute laache,
hä moht doch d'r Fäjer maache.
Was jeht mich, su daach dä Mann,
eijentlich der Pöbel an.
Hück die "schwatze", dann die "jelbe",
nor die Botz die blev et selbe.
Deshalb och däm Schäntlemann
all se nohjeroofen han:

Sechs Paar Stivvele...

Wie sing Braut kom och dohinger,
daach se dä Pottälingespringer
kann mir doch d'r Naache däue.
Nä, do söök ich mir ene neue.
Un sing Braut, die dät im kund,
denn em Säufzereckche stund:
"Schatz, Dein Abschiedsbrief liegt da
und die Chiffre weißt Du ja":

Sechs Paar Stivvele...

Dat mer Lück hät, die op Stiffele
jeck sin, kann mer nit verüvvele.
Doför andre han zum Hohn
Botze zehn un ein Paar Schohn.
Doröm steihs do dich am bess,
wenn de janz ejal vill häs.
Botze, Schohn, söns jeiht et dir
wie däm eine Kavalier:

Sechs Paar Stivvele...