Malche, ach Malche, maach bloß kein Sätz

Malche, su heisch e Mädche, dat mäht de Männer doll,
drei hät dat Ohß am Köötche, wat dat blos jevve soll.
Eine es im zowinnig, zwei kütt et nit met uhs
drei lieb et Malche innig, wo soll dat blos eruhs?

Malche, ach Malche maach blos kein Sätz,
drei Mann op eimol es jet vill för et Häzz.
Wat muss sich denke die Nohberschaff!
Halt dich an einen un die zwei schriev av!

Morgens schriev et dem Hermann Bref, dat mer kriesche künnt,
meddags singk it beim Lambät "Küssen ist keine Sünd",
ovends schwört et dem Toni unger der Jaslatän:
Do un dann keine andre, dich han allein ich jähn.

Malche, ach Malche maach blos kein Sätz...

Durch dat verliebte Ströppche jevven die drei sich dran,
wejen däm Pluteköppche, un dun e Leid sich ahn.
Einer deiht dud sich födere nor mit Johannisbrut,
zwei jejenseitig scheeße sich noch met Blootwoosch dud.

Malche, ach Malche maach blos kein Sätz...