Das gibt es nur in Köln am Rhein

Vun Kiel do krigge mir de Sprotte un Mainz de Mainzerkäßjer hat,
wie Düsseldorf hät singe Mostert, bliev Aache doch de Printestadt.
Su jitt et op der Welt kei Städtche, wat nit sing Eijenheite hät,
uns selbstverständlich he uns Kölle hät och sing Spezialität:
Eau de Cologne deiht jeder kenne, jebruch weht et vun jroß un klein,
Kölsch Wasser, su wie mir et nenne, das gibt es nur in Köln am Rhein!

Sich op sing Heimat deck zo mache, höht eijentlich jo nit he hin,
doch jit et he su'n schöne Sache, die wirklich zo beachte sinn.
E kölsch Jlas Wiess en Medizin es, wer anders denk, dä Kähl es jeck;
Han ich nit räch, wenn ich behaupte, bei uns et Bier wie Kalbfleisch schmeck.
Nennt mir en Stadt, wo so aptittlich und eines billiger wird sein,
nen halven Hahn för eine Jrosche - das gibt es nur in Köln am Rhein!

Humor, dä es uns anjebore, mer stonn jewess met bovven ahn,
denn bes erop zum Bürjermeister mer he ne Jux verdrage kann.
Un dann die Schutzlück he vun Kölle, wie stolz se ahn de Ecke stonn,
et es nit schön, wenn dä Beamte weht Unräch aff un zo jedonn.
Denn deiht mer Naaks e Leedche singe, wer stellt sich jleich am Tatort ein?
Su schnell wie he de Schutzlück springe, das gibt es nur in Köln am Rhein!